NCR PWD Skills Competition 2014

Hindi hadlang ang kapansanan sa mga taong determinadong magkaroon ng normal na pamumuhay. Ito ay pinatunayan ng ilan sa mga kababayan nating Muntinlupeño na nakiisa sa programa ng DSWD para sa mga PWD bilang isang host city ngayong taon sa nakalipas na PWD Skills Competition 2014 nitong July 25, 2014, na dinaluhan ng halos 200 daang PWD sa ibat ibang lungsod sa Metro Manila tulad ng, Valenzuela, Pasig, Makati, Las Piñas, Mandaluyong, Quezon City at Caloocan, na ginanap sa SM Center Muntinlupa.

Ito ay programa ng DSWD-NCR kasama ang National Council of Disability Affairs (NCDA) at Pamahalaang Lokal kasama si Punong Lungsod Atty. Jaime R. Fresnedi at ilang mga LGU’s sa Muntinlupa. Ang nasabing programa ay nagkaroon ng ibat-ibang gawain na nagpapakita na hindi papahuli ang ating mga kapatid na PWD sa kanilang mga kakayahan sa Painting, Photography, Cake Decoration, Waste  re-use, Cooking, Flower Arrangement at ibat-ibang talento sa pag-awit at pag-sayaw.

Sinabi ni Ms. Nelia De Jesus, Chief Technical Cooperative Division of NCDA, ginawa ang programang ito para sa mga PWD bilang suporta sa taunang National Disability Prevention and Rehabilitation Week, upang magkaroon ng unity at mapaunlad ang self esteem ng bawat kalahok.

Ipinadarama lamang na ang pagpapahalaga para sa mga kapatid nating PWD, na sila ay minamahal at sinusuportahan ng ating Pamahalaang Panglungsod.