Rayomar Outreach Foundation nagpaabot ng kanilang tulong sa mga evacuees ng Typhoon Glenda

Katuwang ng lokal na pamahalaan ng Muntinlupa ang Rayomar Outreach Foundation sa pagbibigay ng tulong sa mga kababayan nating Muntinlupeños na nasalanta ng Bagyong Glenda.

Noong July 24, 2014 ay nagbigay ng tulong ang Rayomar Outreach Foundation sa 150 families na nasalanta ng Bagyong Glenda na lumikas sa mga evacuation centers na matatagpuan sa Sports Complex Tunasan, Bayanan Elementary School ALS, Alabang Elementary School, Mullet Covered Court Cupang at sa Brgy Buli Covered court noong kasagsagan ng bagyong Glenda .

Ang Rayomar Outreach Foundation, Inc.  (ROFI) ay isang pribadong Non-Profit Organization na accredited naman ng Philippine Council for NGO Certificate (PCNC). Sila ay patuloy na nakapagpapabot ng tulong sa pamamagitan ng pagkakaroon nila ng mga fund raising activities, Relief Operations, Feeding programs, Medical and Dental Missions, Educational Assistance, Values Formation and Social Development Programs at Housing and Health Programs para mga kababayan nating hikahos sa buhay lalong lalo na sa mga kabataan.

Ayon kay Ms. Cherry Bautista kinatawan ng ROFI,”We work hand on hand with the City Government of Muntinlupa because some of our Businesses are also located in our City at ang Muntinlupa din ang isa sa pinakamatinding tinamaan ng bagyong Glenda at marami sa ating mga kababayan ang lubhang naapektuhan nito kung kaya hindi nag-atubiling tumulong ang ROFI” sa Muntinlupa”.

Ang mabuting ugnayan ng ating lokal na pamahalaan sa pamumuno ni Punong Lungsod Atty. Jaime R. Fresnedi sa mga organisasyong gaya ng ROFI ay nakapagbibigay ng kasiyahan sa mga Muntinlupeños lalung lalo na sa panahon ng kalamidad.