Muntinlupa City nakiisa sa Traffic and Transport Management for Philippine CDS Cities Projects Conference

Sa patuloy na pagbibigay ng atensyon at masusing pag-aaral tungkol sa mas-maayos na mga programa sa trapiko, ang pamahalaang Lungsod ng Muntinlupa sa mabuting pamumuno ni Mayor Atty. Jaime R. Fresnedi, ay  naki-isa kasama ang iba’t ibang lokal na pamahalaan at mga ahensya ng iba’t ibang sector sa naganap na pagtalakay sa Traffic and Transport  Management for Philippine CDS Cities Project.

Noong March 16, 2015, sa pamamagitan ng tanggapan ng Muntinlupa Traffic Management Bureau na dinaluhan ni Mr. Roberto Castro – Head of Education and Training Division, naganap ang nasabing programa na may temang “From Plans to Progress: The Local Government Units’ Quest for Environmentally Sustainable Transport”, na sinuportahan naman ng Cities Alliance at ng World Bank and Almec Corporation, sa Sequoia Hotel, Mother Ignacia St. Cor. Timog  Ave., Quezon City.

Si Dr. Ka Feng na nagmula pa sa China na isang Lead Transport Specialist, ang  naging Keynote Speaker at tinalakay ang Communicating reforms and changing mindsets in the transport sector”.

Ang Muntinlupa ay kabahagi ng League of the Cities of the Philippines na naglalayong mas-mapabuti ang mga programa at serbisyong hatid ng ating pamahalaan sa ating mga mamayanan.

Hindi lamang sa pagpaplano tumitigil ang ating pamahalaan lungsod, bagkus ang mga planong ito ay unti-unti ng naisasakatuparan tungo sa mas-maunlad na lungsod.

Traffic and Transport Management for Philippine CDS Cities Project: Nagbigay ng welcome remarks si LCP Focal Mayor for the TTM Project from Dipolog City Hon. Evelyn T. Uy, noong March 16, 2015 sa Sequoia Hotel, Quezon City.