“Maaksyong MTMB”

Nagpamalas ang Muntinlupa Traffic Management Bureau (MTMB) ng karagdagang inisyatibo upang mabawasan ang bumibigat na daloy ng trapiko sa ating lungsod.

 Sa katatapos lang na Seminar tungkol sa  “Basic Traffic Management for Deputation” na isinagawa ng Education and Training Division na ginanap naman sa AHVA Clubhouse, Cupang, dumalo ang siyam na Traffic Enforcers kasama ang apat na miyembro ng Anti-Illegal Vending Division (AIVD) at sampung Security Guards ng Alabang Hills Village Association (AHVA) upang madagdagan ang kanilang kaalaman tungkol sa pagpapatupad ng tamang batas trapiko sa ating lungsod at upang maspalakasin pa ang kanilang ibinibigay na serbisyo para sa Muntinupeño.

Naging maaksyon naman ang AIVD sa kanilang isinagawang operasyon  sa Alabang kontra sa illegal vendors alinsunod sa Section 120 Article XXI ng City Ordinance Number 04-022 (Muntinlupa City Traffic Code) at kautusang Bayan Bilang 88-10 (Anti-Sidewalk Vending), dalawang araw matapos ang nasabing seminar.

Lumahok din sa Auto Road Safety Olympics 2015 ang nasabing tanggapan noong January 24, 2015 na ginanap sa Mall of Asia sa pangunguna ng ilang private groups at ng ating pamahalaan, bilang pagsuporta sa Road Safety Awareness thru Sports.

 Pangunahing layunin pa din ng tanggapan na maging masmaayos ang daloy ng trapiko sa ating lungsod at masmapangalagaan ang kaligtasan ng mga motorista sa lungsod.

Lakbay Aral sa bayan ng Carmona

Nagkaroon ng Study Tour o Lakbay Aral sa bayan ng Carmona Cavite ang mga stakeholders ng Muntinlupa City Council for Persons with Disability (MCPWD)  kasama ang pinuno ng mga tanggapan ng ating Pamahalaang Panglungsod noong January 22, 2015, upang masmadagdagan pa ang kanilang kaalaman sa pagbibigay ng magandang serbisyo at mga programa para sa mga kapatid nating Muntinlupeños.

Kinikilala ang bayan ng Carmona sa kanilang magandang programa para sa mga taong may kapansanan kung kaya naman ang Lungsod ng Muntinlupa sa pamumuno ni Muntinlupa City Mayor Atty. Jaime R. Fresnedi sa pamamagitan ni Ms. Analyn Mercadong Social Services Department (SSD)  ay nakipagugnayan kay Carmona Municipal Mayor Dahlia A. Loyola upang palawakin ang serbisyong ibinibigay ng lungsod sa pamamagitan ng mahahalagang Kaalaman na kanyang maibabahagi tungkol sa kanilang magandang programa para sa mga PWD.

Matapos ang pagbibigay ng PWD – presentation ni Mayor Loyola, bumisita ang Muntinlupa deligation kasa ang ilang mga pinuno ng mga tanggapan ng  Pamahalaang Lungsod ng Muntinlupa sa PWD Center ng bayan ng Carmona upang tignan ang aktwal na ginagawa ng kanilang mga students with special needs.

Makikita ang magandang programa ng Carmona para sa kanilang mga kababayan, tulad ni Muntinlupa City Mayor Atty. Jaime R. Fresnedi nais nyang ang mga Muntinlupeños na may espesyal na pangangailangan ay magkaroon din ng normal at maayos na pamumuhay sa ating lungsod, dahil, Yan ang Tama! Yan ang Muntinlupa!

MCPWD Lakbay Aral sa bayan ng Carmona Cavite – Kasama ng MCWPD Stakeholders si Municipal Mayor of Carmona Dr. Dahlia A. Loyola at mga pinuno ng mga tanggapan ng Pamahalaang Lungsod ng Muntinlupa na sina;  PIO - Tez V. Navarro, SSD- Analyn Mercado, MIS - Jonnah Hidalgo, MTMB - Gerrard Comia, YASDO - Cynthia Viacrusis, ECED - Maricel Dacuycuy and representatives of CHO, PESO, Personnel, DepEd  upang aralin ang programa at mga serbisyo ng bayan ng Carmona para sa mga PWD, January 22, 2015 sa Carmona Municipal Hall.

Muntinlupa Responders!

Ang Pamahalaang Lungsod ng Muntinlupa  sa pangunguna ng ating butihing Mayor Atty. Jaime R. Fresnedi ay mahigpit na ipinatutupad ang kahandaan at seguridad ng mga Muntinlupeño sa panahon ng kalamidad.

Isa ang bagyong Ruby sa tinutukan ng ating punong lungsod kasama ang iba’t-ibang mga ahensya at mga tanggapan ng ating lungsod.

Matatandaan ang matinding pinsala ang tinamo sa ating mga imprastraktura noong mga nagdaang bagyo tulad ng bagyong Glenda na nalasa at sumira ng ilang mga government infrastructures tulad ng mga paaralan at maging ng mga sports facilities.

Kung kaya naman ang mga paghahanda sa lungsod ay mas-pinaigting at ang kapakanan ng bawat Muntinupeño ay masbinigyan ng agarang aksyon.

Malayo pa man ang bagyo ay nag-bigay na ng mga paalala at babala an gating pamahalaang lungsod sa ang ating mga kababayang naninirahan sa malapit sa lawa ng laguna na vulnerable sa pagbaha.

Magkasamang nag-sagawa ng pulong sina Congressman Rodolfo G. Biazon, Mayor Jaime R. Fresnedi, at City Administrator Engineer Allan Cachuela.

Lahat ng mga pinuno ng tanggapan ay may kanya-kanyang Barangay na tinutukan, nagsagawa din ng preemptive evacuation at monitoring sa kalagayan ng kanilang mga nasasakupan.

We are Ready! Pahayag ng mga department heads, bilang mga public servants. Bunga ng mga paghahandang ginawa, walang naitalang nasaktan o naapektuhan sa alin mang Barangay.

Kasama ang mga pinuno ng lahat ng tanggapan ng City Government of Muntinlupa ay patuloy ang pagsasagawa ng mga hakbang at mga pag-paplano upang maiwasan ang anumang magiging problema dulot ng anumang kalamidad gaya ng bagyong Ruby.

Ang pagiging isang disaster resilient ng lungsod ay sumasalamin sa maayos na pamumuno ng mga lider ng ating lungsod, pinuno ng mga tanggapan kasama ang mga masisipag na kawani nito, at mga mamayang may malasakit sa kapwa at higit sa lahat sa mabuting pamumuno ng ating butihing Mayor Atty. Jaime R. Fresnedi. Dahil, Yan ang Tama! Yan ang Muntinupa!

We are Ready! Hindi lang Boy Scouts ang laging handa sa pagtulong, pinatunayan ito ng mga opisyales ng pamahalaang lungsod ng Muntinlupa ng agad ikasa ang kahandaan kay Typhoon Ruby.

Parent’s Congress December 6, 2014

Ang Early Childhood Education Division (ECED) ay nagsagawa muli ng Parent’s Congress sa Southville 3, Barangay Poblacion, Muntinlupa City noong December 6, 2014 na dinaluhan ng 800 na mga magulang.

Tinalakay dito ang Positive Parenting na pingasiwaan ni Mr. Bernard Marquez, at maging ang Childrens Rights na pinangasiwaan ni Ms. Reina Hilapo.

Nagbigay din ng ilang mahahalagang mensahe sina Former City Congressman Ruffy Biazon, Councilor Atty. Patricio Boncayao Jr., Councilor Atty. Raul Corro, Dr. Edgardo Trozado pinuno ng tanggapan ng City Cooperative, at maging ang pinuno ng tanggapan ng Gender and Development Office na si Ms. Trina Biazon.

Labis ang kagalakan ng mga nagsipagdalo dahil sa kanilang mga natutunan sa programa, dahil hindi lamang nabusog ang kanilang mga isipan sa kaalaman ay nagkaroon din ng kaunting salo-salo at mga raffle prizes para sa kanila.

Ang nasabing programa ay ang pangatlong Parent’s Congress para sa taong 2014, at inaasahan pa na magkakaroon pa muli ng mga ganitong gawain para sa darating na taon. Ito ay dahil sa suportang ibinibigay ng mga tanggapan tulad ng Gender and Development Office at ng Social Services Department na kinabibilangan ng ECED kung kaya ito ay naging masmatagumpay.

Ang Pamahalaang Lungsod sa Pamumuno ni Mayor Atty. Jaime R. Fresnedi ay patuloy sa pagbibigay ng mga programang naglalayong mapabuti ang kapakanan ng mga Muntinlupeño, lalong-lalo na ang pagpapatibay ng samahan o relasyon ng bawat pamilya. Dahil, Yan ang Tama! Yan ang Muntinlupa!

Parent’s Congress: Iginawad sa tagapagsalita ng Programa (Positive Parenting) na si Mr. Bernard Marquez ang Certificate of Recognition ni Ms. Maricel Dacuycuy ang pinuno ng ECED noong December 6, 2014 sa Southvile 3, Barangay Poblacion Muntinlupa City.

                                                            More Photos Click Here!

Responsible Riding Seminar Workshop

Ang mga empleyado ng City Government of Muntinlupa na na-isyuhan ng mga motorsiklo ay pinadalo sa isang seminar workshop noong December 4, 2014 sa Muntinlupa Sports Complex tungkol sa Responsible Riding.

Pinangasiwaan ng Kawasaki School for Responsible Riding (KSRR) ang nasabing programa sa gabay ni KSRR Instructor Vergilo De Jesus.

Nagbigay ng mahahalagang paalala sina City Administrator Engineer Allan Cachuela, Dr. Edgardo Trozado ng City Cooperative Office at Mr. Chito Valerio ng Records Office na maging masunurin sa ating batas partikular sa ating batas trapiko at bilang isang empleyado ng Pamahalaang Lungsod dapat maging isang mabuting halimbawa sa mga Muntinlupeño upang maiwasan.

 Tinalakay sa nasabing programa ang mga sumusunod: Accident Report, Human Factor, Choosing Motorcycle, Safety Riding Gears, Proper Riding Posture, Pre Riding Inspection, Riding Practice, Traffic Rules and Regulations, Safety Driving Tips at Riders Responsibility.

Matapos ang seminar sinanay ang mga kawani sa kung ano ang kanilang mga natutunan sa programa sa kung ano ang mga dapat tandaan at gawin sa pag-gamit ng kanikanilang mga motorsiklo.

Bilang isang responsableng rider dapat isaalang-ala ang kaligtasan at ang umiiral na batas trapiko upang maiwasan ang ano mang problema sa lansangan.

Ang Pamahalaang Lungsod ng Muntinlupa sa pamumuno ni City Mayor Atty. Jaime R. Fresnedi ay patuloy na naghahatid ng mga programang may pagpapahalaga sa kaligtasan ng bawat Muntinupeño. Yan ang Tama! Yan ang Muntinlupa!

Kawasaki Responsible Riding Program: Ang mga nasa larawan ay ang Muntinlupa City Rescue Team, Mr. Chito Valerio of City Records Office (Naka Purple) katabi si KSRR Marketing Manager Arnel Juco.

                                                                     More Photos Click Here

Barangay Justice – System Seminar Noong Nobyembre 28, 2014

Ang maging mas-epektibo at mas-mabilis na pagsasaayos ng mga kaso na naitatala sa mga Barangay ang naging layunin ng isinagawang Barangay Justice – Seminar noong November 28, 2014 sa Audio Visual Room, Muntinlupa City Hall, na dinaluhan ng mga Lupon Tagapamayapa ng siyam na Barangay sa ating Lungsod.

Ang Integrated Bar of the Philippines Rotary (Pasay – Parañaque – Las Piñas – Muntinlupa Chapter) na pinamumunuan ni Atty. Emma G. Jularbal ang nanguna sa pagsasagawa ng nasabing seminar kasama sina Atty. Marlin F. Velasco, Atty. Antonio B. Manzano, Atty. Paul Jomar S. Alcudia, Atty. Florante B. Legaspi, Jr., Atty. Danny L. Gapasin, Jr., Atty. Marilyn Velasco, Atty. Rick Moldez, Atty. Eleonor T. Hernandez, at mga rotary club, katuwang din ang ating Pamahalaang Lungsod sa ilalim ng mahusay na pamumuno ni Muntinlupa City Mayor Atty. Jaime R. Fresnedi sa pamamagitan ng City  Legal Office na pinamumunuan ni Atty. Genalyn Estrera.

Tampok sa nasabing seminar ang usapin sa Violence Against Women and Children o VAWC na pinangasiwaan ng mahusay na tagapagsalita ng seminar na si Judge Elisa Sarmiento – Flores.

Ipinaliwanag din dito ang mga nararapat gawin o isaalang-ala sa mga Children in Conflict with the Law (CICL) upang maiwasan ang paglabag sa karapatan ng mga bata. Ipinaliwanag din dito ang tamang pagbibigay ng mga protection order at pagpapaliwanag ng mga dapat at hindi dapat gawin sa mga kasong naitatala o ang proper case dispositions.

Ang Integrated Bar of the Philippines Rotary at ang Lungsod ng Muntinlupa ay magkatuwang sa pagbibigay ng sapat at tamang  serbisyo para sa Muntinlupeños. Dahil, Yan ang Tama! Yan ang Muntinlupa!

Nagbigay ng pambungad na pananalita si Atty. Genalyn Estrera (Left) sa Barangay Justice- Seminar noong November 28, 2014 kasama si Atty. Emma G. Jularbal (Middle) at si Judge Elisa Sarmiento- Flores ng Pasig City Regional Trial Court.

Jeepney Ride for Free November 25, 2014

Sinimulan na ang Trail Run ng Jeepney Ride for Free ni Punong Lungsod Atty. Jaime R. Fresnedi sa Barangay Alabang Muntinlupa City na magbibigay ng libreng serbisyo para sa Muntinlupeños noong November 25, 2014.

Ang mga ito ay bumabyahe paikot sa Starmall Alabang, Alabang Viaduct at sa South Station Alabang.

Sa pangunguna ng Muntinlupa City Good Governance naisakatuparan ang isang napakagandang programa hatid ni Mayor Fresnedi sa mga Muntinupeño.

Ang Programang Jeepney Ride for Free ay  handa ng magbigay serbisyo mula sa December 1, 2014.

                                                                           More Photos Click Here!